Listen to the album on your favorite streaming platforms

Release Date : 2016


Produced by Rima Khcheich
Recorded by Tijmen Zinkhaan at Wisseloord Studios, Hilversum, The Netherlands
Mastered by Darius Van Helfteren
Photos and visuals by David Habchy
Art Direction by May Ghaibeh

Clarinet: Maarten Ornstein
Guitar and Guitalel: Maarten Van Der Grinten
Double Bass & Violone: Tony Overwater
Cajón/Frame Drums/Riq/Tamborim/Gome/Cymbals and effect percussion: Ruven Ruppik
Trumpet and Flugelhorn: Angelo Verploegen
Dudok String Quartet: Judith Van Driel-Violin, Marleen Wester-Violin, Lotte De Vries-Viola, David Faber-Cello

Click to download leaflet

Lyrics

  • Lyrics and Music: Fouad Abdel Majeed | كلمات وألحان: فؤاد عبد المجيد

    أتمنّى أن لا تتجنّى 

    وبظُلمكَ حُبّي تتأنّى

    أظلمتَ بظُلمِك تتمادى

    وبريبك عنّي تتغنّى

    أوكُنتَ صدوقاً بهواكَ

    زمانَ أراكَ وألقاكَ

    أم كنتَ خَليّاً تتسلّى

    ورنينُ قيودي أشجاكَ

    من هانَ هواهُ لدى الثاني

    وأراقَ الودَّ وأظماني

    ولَها وسها وزها ورمى

    عن قوس هوايا فأرداني

  • Lyrics and Music: Rabih Mroué | كلمات وألحان: ربيع مروّة

    Arrangement: Maarten Van Der Grinten

    إجاني إتّصال، يسألني كيف الحال

    عَجَقْني، خَفَقْني، ذَكّرْني بالوصال

     شو هُوّي ال ذَكّرَكْ، وعْلَيي فوّقَكْ

    لَوأني، فَتَلْني، وشَغَلّي هالبال

    هيّاني بِنْت شاطْرة، ومِتْل الهَبلة ناطْرَة

    تِغْيير، تِفْسير، تمْرُق مِيّة خاطْرة

    شو هوّي ال فَوّقَكْ، وعنّي عَوّقكْ

    بَسْ يبدو ما بدّو وعا قِشْرِة بَصْلِة فاطْرَة

    إذا إنتْ زِهْقان، لَشو هالجَلَقان

    تْبَحْبش وتْحَركِش، بِرَقْمي البِهْتان

    حياتي إلك حاشية، من دونك كانت ماشية

    على مَهْل، على سَهْل، والقلب مِشْ عِشْقان

  • Lyrics and Music: Rabih Mroué | كلمات وألحان: ربيع مروّة

    كلِّمْني وَشْوِشْني خلّي هالخَطْ يْرنّ

    غنّجْني لَعِّبني خلّي يْبَيِّن هالسِّن

    رَقِّصْني حَرقِصْني بَوّسْني قَوّصْني

    قنِّصْني آنِسْني خلّيني إخْوَت جِنّ

    دلِّعْني ولِّعْني خلّي هالقلب يْحِنّ

    سَلّيني واسيني نَسّيني عَذابي

    نَيِّمْني فَيِّقْني رَجِّعْني عِزّابي

    صَلّيلي إدْعيلي يخَلّيني جذّابي

    إسْحَبْني واشْطُبْني من أَهْلي وْأحْزابي

    عْبُطْني غْمُرْني، حْمِلني شْقِلني وخِدني

    ضَهِّرني وسَهِّرني نِفْلَت ل الفَجْر يِْشِقّ

    مَتّعْني وسَمّعْني قلبك كيف عم بيْدِقّ

    طَرِّبلي عَرِّبلي، شَرِّقلي وغَرِّبلي

    قَرِّبلي جَرِّبلي خلّي هالنَغْمة تْرِقّ

    سَهِّيني لَهِّيني خَلِّيني وقِّف نِقّ

    حاوِرْني شاوِرْني بلا كلّ هالمواقِفْ

    وَسْوِسْني وحَسّسْني إنّو الوقتْ واقِف

    أُخْطُفني هَجِّرني فَجِّرني ليش خايف

    وافيني، إعْفيني، نْفيني من الطَّوايِف

    عْبُطني غْمُرني، حْمِلني شْقِلني وخِدني

    زْرَعْني بْعيد عن أرضْ لبنان

    ما

    لُبنانُ سِحرٌ وَنورْ

    ورونقٌ وبَهاءْ

    ومَعْقِلٌ للنُّسورْ

    مُعَلّقٌ في الفَضاءْ

  • Lyrics and Music: Rabih Mroué | كلمات وألحان: ربيع مروّة

    Arrangement: Maarten Ornstein

    عندي إحْساسْ، ما لو أساسْ

    إحْساسي غَريبْ، إحْساسي مُريبْ

    سَبَّب مَساسْ

    شُعوري مُحَدّد، حُبّي مُلَبّد

    بالغُيوم والهُموم

    ما فيه شي مؤكَّد

    شُعوري مُشاغِبْ، أفْكاري مَراكِبْ

    عُرضَة للريحْ، بِتضَلّا تْزيحْ

    دمعي مَساكِبْ

    حبيبي مُلبّك، جْبينو مُجَعْلَك

    قلبو ميّال، براسو  موّال

    وضعي مُشَرْبَك

  • Lyrics: Ethel Adnan | الكلمات: إيتيل عدنان

    Adaptation: Rabih Mroué | إعداد: ربيع مروّة

    Music: Rima Khcheich and Rabih Mroué | الموسيقى: ريما خشيش وربيع مروّة

    Arrangement: Tony Overwater

    الشمس طَلِّت تتمَخْتَر بالليل

    يا إلهي كيف ظَهَرْ جَمال

    فجأة بالاوضة وانْفَتَح الشبّاكْ

    يا إلهي على هالجَمال

    كيف دَخَل الاوضة وانْفَتَحِت ل بْواب

  • Lyrics and Music: Fouad Abdel Majeed | كلمات وألحان: فؤاد عبد المجيد

    من بين ظِبا، ناديتُ رَشا، قد هيَّمَني

    القلبُ لهُ، وأهيمُ بِهِ، مُذ جاوَبَني

    القلبُ تَمنّى، والروح تَغَنّى

    فَرَحاً بِرَشا في الحُبِّ وفا

    حُلوُ اللَفَتاتْ، عَذبُ الكَلمات، حُسناً وبَها

    يا بَدرَ دُجى، نوراً وسَنا، أهْواكَ أنا

    القلبُ تَمَنّى، والروحُ تَغَنّى

    فَرَحاً بِرَشا في الحُبِّ وَفا

  • Lyrics and Music: Rabih Mroué | كلمات وألحان: ربيع مروّة

    Arrangement: Maarten Ornstein

    وين ما كان فيه وْرودْ، فيه جْرودْ، فيه جْبالْ فيه تْلال فيه حْدود

    وين ما كان فيه دْروب، فيه هْروب، فيه رْصاصْ فيه قْواصْ فيه حْروب

    وين ما كان فيه وْعود، فيه جْدود، فيه حُمر فيه بيضْ فيه سود

    وين ما كان فيه شو ما كان

    وين ما كان فيه مين ما كان

    إلا وَجَعي يا حبيبي

    وحْدو بْجِسمي مَوْجود

    وين ما كان فيه قْرود،  فيه دود، فيه طيْر غِزْلان وأسود

    وين ما كان فيه فَقْش، فيه طَقْش، فيه يأس فيه زْيادة ونَقْص

    وين ما كان فيه حَيّ، فيه كَيّ، فيه مِشْوي مِقْلي وْنَيّ

    وين ما كان فيه شو ما كان

    وين ما كان فيه مين ما كان

    إلا وَجَعي يا حبيبي

    وحدو بْجِسْمي مَوْجود

    وين ما كان فيه حْداد، فيه جْداد، فيه تار فيه نار ورْماد

    وين ما كان فيه نَقّ، فيه جَقّ، فيه عَقّ فيه إي وفيه لأ

    وين ما كان فيه حْشود، بارود، أمْوال أفْعال ورْدود

    وين ما كان فيه شو ما كان

    وين ما كان فيه مين ما كان

    إلا وَجَعي يا حبيبي

    وحدو بْجِسْمي مَوْجود

  • Lyrics: Ethel Adnan | الكلمات: إيتيل عدنان

    Adaptation: Rabih Mroué | إعداد: ربيع مروّة

    Music: Rima Khcheich and Rabih Mroué | الموسيقى: ريما خشيش وربيع مروّة

    Arrangement: Tony Overwater

    وأنا ناطْرَة

    تا صير كْبيرة

    فَجْأة الغَرام انْفَجَر عا بْلاط الخَريفْ

    وصابِتْني شَظايا الحُب، صابِتني بالصَّميمْ

    آه عالحُب

    شَيطان الرَّصيفْ

    هالحُب شو شيطانْ

    كان واخْتَفى

  • Lyrics: Rabih Mroué | الكلمات: ربيع مروّة

    Music: Cole Porter (My heart belongs to Daddy)

    وقْتي قَصير، بْحبّ العَصير، شو بَدّو يْصير بِحياتي

    لمّا رَح روح لَعِنْدَك وبوحْ بِ سِرِّي وقِلَّك حياتي

     جِسْمي نَحيف وْدَمِّي خَفيف، بْتِسألْني كيف هِيي حياتي

    قلبي بيْسوح لِمِّن بِيْفوح عَبير حُبّي وحياتي

    إنتَ عْيوني جْفوني إنتَ حياتي

    إنتَ حُبّي اللي مِش رح بيْموت

    إنتَ لَيْلي ونْهاراتي

    إنتَ لَوز ومَوز وعصير التّوت

    إنتَ خيّي بيّي إنتَ آهاتي

    إنتَ عُمري اللي عِشْتو بْبَيروت

    غْناني ورَدّياتي وْراحة وسْكوت

    جِسْمي لَبّيس، بوصَل لَقّيس، بْشو بدّي قيسا لَ حياتي

    بْقيسا بالطّول ولّا بْمَكْيول، ما هُوّي هُوّي حياتي

    بِعْجُن عَجين، بَعْمِل ريجيم، قلّي لَمين هيّى حياتي

    ما هوّي بالروح وْوَين ما بْروح لَمْبَة تْنَوّر حياتي

    إنتَ عْيوني جْفوني إنتَ حياتي

    إنتَ حُبّي اللي مِش رح بيْموت

    إنتَ لَيْلي ونْهاراتي

    إنتَ لَوز ومَوز وعصير التّوت

    إنتَ خيّي بيّي إنتَ آهاتي

    إنتَ عُمري اللي عِشْتو بْبَيروت

    غْناني ورَدّياتي وْراحة وسْكوت

  • Lyrics and Music: Rabih Mroué | كلمات وألحان: ربيع مروّة

    Arrangement: Maarten Ornstein

    ما لحِقْت لاقيكْ، أوعى تْضيع مِنِّي

    بْحاكيك مَشْغول، وبْعيد عَنّي

    بِتقول بِأيلول

    واعِدني تْعود بأيلول، وأيلول يْضيع بكانون

    والوقت يْطول

    ووْعود تْصير مَيِّة نَهْر، كِلّو قَهْر، راح العُمر

    بْحاكيك عَحالي بْردّ

    طالِع عا بالي إنت تْرِدّ، عْلَيي تْردّ، إنت تردّ، ردّ

    ما لْحِقْت إني لْقيتَك ليش تْضيع، ما فيك تْضيع

    ما عْرِفْت كيف حْكيتَك كيف تْروح، ما فيك تروح

    ما شْبِعت شوف وِجّك كيف تغيب، ما فيك تغيب

    ما تْعِبْت من قَعْداتك، ما فيك تْفِلّ

    ما عْرِفْت كيف مْحيتَك ليش رجِعْت، ما فيك رجِعْت

    ما فْهِمت كيف نْسيتَك كيف تْعود، ما فيك تعود

  • Lyrics: Ethel Adnan | الكلمات: إيتيل عدنان

    Adaptation: Rabih Mroué | إعداد: ربيع مروّة

    Music: Rima Khcheich and Rabih Mroué | الموسيقى: ريما خشيش وربيع مروّة

    Arrangement: Tony Overwater

    عُمَرْ الخيّام عَزَمْني عا كاس

    تا شاركو نْبيداتو

    تَرَكْت صْيام وشارَكْتو كاس وحِدْتو وأحْزانو

    بُكرا رَح إرجَع شوفو

    بالأرض يللي صارا

  • Lyrics and Music:  Fouad Abdel Majeed | كلمات وألحان: فؤاد عبد المجيد

    لاهٍ وخلّيُ البال

    بالفِتنَةِ يَسبُرُ أغواري

    ما أدري لهُ من حال

    وأُقاومُ جذبَ التيّار

    قلبي رغمي يَهواهْ

    نَغَمٌ يَنسابُ بأفكاري

    وأنا ما أُطيقُ هواهْ

    أو أُحسِنُ ألعَبُ بالنارِ

  • Lyrics and Music: Rabih Mroué | كلمات وألحان: ربيع مروّة

    Arrangement: Maarten Van Der Grinten

    تعا بوس، نِنْسى اللي مَضى ونْبوس

    مَيئوس، الوَضْع بْهالبَلَد مَيئوس

    شي بْروس، شي بلا روس هالدِّني، شو بِني

    عم حُوصْ وعم حِسّ إنِّي مَحْبوس

    مَفْقوس، الحالِة لَوَرا مَفْقوس

    تعا شوف وْلا تْشوف عَيْنَك شو جَرى، ما تْشوف

    فيه خُوف، إي فيه خوف، والحكي انْبَرى مَخْطوف ومَعْكوف

    فيه أوف، لا ما فيه أوف بْهالغِنا

    شو بِنا، لا سَمَعْ ولا عَيْن عم بِتْشُوف

    كَتاسْتروف، فيه بلد انْتَسى، مَحْذوف ومَأسُوف

    مَحْبوس، ما بِنْسى اللي مَضَى، عَمْ نوص

    مَهْووس، بْحُبّي لإلَك، ف تَعا بوس

  • Lyrics: Rabih Mroué | الكلمات: ربيع مروّة

    Music: Rima Khcheich and Rabih Mroué | الموسيقى: ريما خشيش وربيع مروّة

    Arrangement: Maarten Van Der Grinten

    هالحِلو المَحْبوبْ مِشْ حا يْثورْ

    ما عندو حِيلْ، ولا فاضي البالْ، ولا عندو  مَيْل

    إنو يواجِه أعداؤه، ولا زُعران الحيّ الغَربي ال لاطينلو

    ما بدّو يْثورْ

    هالحِلو المَحْبوبْ أخَدْ حْبوبْ

    قَصدي بَلَع حْبوبْ

    ولِكْ سَفَق حْبوبْ

    تا يِغْفا الليل ويِصْفا البال وما يْشوف الويلْ

    ويكِشّ برّا أعداؤه

    ويِنْسى وْلاد الحَيّ الغَربي ال قاهْرينو

    ما بدّو يثُورْ

  • Lyrics: Ethel Adnan / Rabih Mroué | الكلمات: إيتيل عدنان / ربيع مروّة

    Music: Rabih Mroué | الموسيقى: ربيع مروّة

    Arrangement: Maarten Van Der Grinten

    مِنْسَكّر كتاب

    متل ما مَنْسَكِّر عا حالنا شي بابْ

    من بْواب الحَياة

    بِشَهر نيسان

    ذِكرى عم تِكْبَرْ وتْزَهِّر نِسْيان وإنسان

    عم يِخْلَق من جْديد

    مِشْوار الحَيَاة

    طالِع نازِل سَلالِم وحَيّات، جْهنَّم وجَنَّات

    وبالآخِر مَمَات